ከአፍሪካ በምሁራን ፍልሰት ቀዳሚ መሆኗ በጥናት የተረጋገጠባት ኢትዮጵያ ምሁራኗን መግፋት ቀጥላለች።

የአዲስ አበባ ዩኒቨርስቲ የፖለቲካል ሣይንስ መምህር ዶ/ር መረራ ጉዲና እና የፍልስፍና መምህሩ ዶ/ር ዳኛቸው አሠፋን ማባረሩን በይፋ ገለፀ።
===================================
የዩንቨርስቲ ምሁራን ለእረጅም ጊዜ በማስተማር እና በምርምር በቆዩ ቁጥር የበለጠ ተፈላጊ እየሆኑ እንደሚሄዱ ይታወቃል።ልምድ፣የማስተማር ጥበብ እና የምርምር ችሎታ በአገልግሎት በቆዩባቸው ጊዜያት ሁሉ መምህራኑ የሚያዳብሯቸው ክህሎቶች ናቸው።የአዲስ አበባ ዩንቨርሲቲ የፖለቲካል ሣይንስ መምህር ዶ/ር መረራ ጉዲና እና የፍልስፍና መምህሩ ዶ/ር ዳኛቸው አሠፋን ከስራ ሲያባርር የሰጠው ምክንያት ”መብቴ ነው” ከማለት ያልተለየ ነው።ዶ/ር መራራ ጉዲና ለእረጅም ዓመታት በአዲስ አበባ ዩንቨርሲቲ ያስተማሩ፣በተማሪዎች መካከል በሚነሱ የጎሳ ግጭቶች ተማሪዎቹን በመምከር ታላቅ ሃገራዊ ሥራ የሰሩ፣በዩንቨርሲቲው እና በተማሪዎች መካከል የሚነሱ ግጭቶችን ሲዳኙ የኖሩ ምሁር ናቸው።

ዶ/ር መራራ የፕሮፌሰርነት ማዕረጋቸውን ዩንቨርስቲው እንደያዘባቸው ለኢሳት በሰጡት መግለጫ ማስታወቃቸው ይታወቃል።ዶ/ር ዳኛቸው ባለቤታቸውን እና ልጃቸውን ትተው ከስድስት ዓመት ላላነሰ ጊዜ ከቤተሰብ ተለይተው ለሀገሬ አስተዋፅኦ ላድርግ ብለው ደፋ ቀና የሚሉ ምሁር ናቸው።
ዛሬ አዲስ አድማስ ጋዜጣ ላይ የአዲስ አበባ ዩንቨርሲቲ ”ማባረር መብቴ ነው” መሰል መግለጫ ሲሰጥ ብዙ መምህራን አሉኝ ማለቱ ህዝብን አስገርሟል።።

ኢትዮጵያን ያህል ለድህረ ምረቃ ትምህርት ወደውጭ ከምትልካቸው ተማሪዎች ከአስሩ ስምንቱ የሚቀሩባት ሀገር ሌሎች አስተማሪዎች ስለበዙልኝ የረጅም እድሜ ያስቆጠሩትን ዶ/ር መራራን እና ዶ/ር ዳኛቸውን አባረረኩ ማለቱ ከፌዝ ያነሰ አነጋገር አይደለም።

ኢህአዲግ/ወያኔ ስልጣን እንደያዘ መጀመርያ ስራውን የጀመረው ከአርባ በላይ የአዲስ አበባ ዩንቨርሲቲ መምህራንን በማባረር መሆኑ ይታወሳል።