የእስራኤል ኮማንዶዎች ናይሮቢ ከአሸባሪዎች ጋር እየተዋጉ መሆኑ የእስራኤል የዜና ምንጮች እየዘገቡ ነው።

 ናይሮቢ ውስጥ ጭንብል ያጠለቁ ወደ 18 የሚጠጉ ታጣቂዎች አንድ ሰፊ የገበያ አዳራሽን ወረው እያደረሱ ባለው የቦንብ ጥቃት እና የተኩስ ሩምታ ቢያንስ 59 ሰዎች መገደላቸውን የቀይ መስቀል ምንጮች አስታወቁ። የገበያ አዳራሹ በሀገሪቱ ወታደሮች በተከበበት በአሁኑ ወቅት ታጣቂዎቹ አሁንም በአዳራሹ ውስጥ እንደሚገኙ ታውቋል።  ታጣቂዎቹ ዒላማ ሲያደርጉ የነበረው ሙስሊም ያልሆኑ ሰዎችን እየመረጡ እንደነበረም ምንጮቹ አክለው ገልፀዋል። ከጥቃቱ ዘግየት ብሎ ወታደሮች የገበያ አዳራሹን በከበቡበት ወቅትም ታጣቂዎቹ ከውስጥ የተኩስ ሩምታ ሲያሰሙ እንደነበር ተዘግቧል። የሟቾቹ ቁጥር ከ59ም ሊያሻቅብ እንደሚችል ተጠቅሷል።
የኬንያ ፖሊስ ከጥቃቱ ፈፃሚዎች አንደኛውን አቁስሎ በቁጥጥር ስር ማዋሉ ተዘግቧል። ሆኖም የጥቃቱ ፈፃሚዎች በትክክል ከየትኛው ቡድን እንደሆኑ እስካሁን ፖሊስ የሰጠው መግለጫ የለም። የሀገሪቱ መንግሥት ጥቃቱ «ከሽብርተኞች» የተቃጣ ነው ሲል ገልጿል።  ኬንያ ከሁለት ዓመታት በፊት በሶማሊያ የሚገኙ እስልምና አክራሪ ታጣቂዎችን ለመውጋት ጦሯን በላከችበት ወቅት የሶማሊያው ኧል ሸባብ ታጣቂ ቡድን በኬንያ ምድር የሽብር ጥቃት በመፈፀም መበቀሉ እንደማይቀር ዝቶ እንደነበር ይታወሳል።  በዛሬው ዕለት የእእስራኤል ልዮ የኮማንዶ ሀይል በአሸባሪዎች  የታገቱትን   ዜጎችና ቁስለኞችን   ለማስለቀቅ ከአሸባሪዎች ጋር እየተዋጋ እንደሆነና አንዲት ሴት ቁስለኛ  እንዳስለቀቁ የእስራኤል የዜና ምንጮች ዘጉአርዲያንና ሲ ኤን ኤንን ምንጭ አድረገው እየዘገቡ  ነው።